SBI Apprentice 2021: ఎస్‌బీఐలో అప్రెంటీస్ ఉద్యోగానికి అప్లై చేశారా? ఎగ్జామ్ ఎప్పుడంటే

1. స్టేట్ బ్యాంక్ ఆఫ్ ఇండియా-SBI దేశవ్యాప్తంగా భారీగా ఉద్యోగాల భర్తీ చేపడుతున్న సంగతి తెలిసిందే. దేశవ్యాప్తంగా 8500 అప్రెంటీస్ పోస్టుల్ని భర్తీ చేస్తోంది. తెలంగాణకు 460, ఆంధ్రప్రదేశ్‌కు 620 పోస్టుల్ని కేటాయించింది ఎస్‌బీఐ. రాతపరీక్ష, స్థానిక భాషలో పరీక్ష ద్వారా ఈ పోస్టులకు ఎంపిక చేస్తుంది ఎస్‌బీఐ. (ప్రతీకాత్మక చిత్రం)

2. జనవరిలోనే పరీక్షలు జరగాల్సింది. కానీ పరిపాలనాపరమైన కారణాలు, కరోనా వైరస్ సంక్షోభం కారణంగా పరీక్షలు వాయిదా పడ్డాయి. ఈ పరీక్షలకు సంబంధించిన అడ్మిట్ కార్డులు ఇంకా రిలీజ్ కాలేదు. అప్రెంటీస్ పోస్టులకు పరీక్షలకు సంబంధించిన అడ్మిట్ కార్డులను మార్చి చివరి వారంలోనే రిలీజ్ చేయాల్సి ఉంది. (ప్రతీకాత్మక చిత్రం)

3. కానీ ఇంతలోనే కరోనా వైరస్ సెకండ్ వేవ్ విజృంభించడంతో ఈ పరీక్షలు మళ్లీ వాయిదా పడ్డాయి. ఏప్రిల్ మొదటివారం లేదా రెండోవారంలో ఎగ్జామ్స్ ఉంటాయని మార్చిలో అధికారికంగా వెల్లడించింది ఎస్‌బీఐ. ఆ తర్వాత పరీక్షలకు సంబంధించి ఎలాంటి అధికారిక సమాచారం లేదు. (ప్రతీకాత్మక చిత్రం)

4. ఇప్పుడు మే చివరి వారం వచ్చినా పరీక్షలపై క్లారిటీ సంబంధించి సమాచారం లేదు. దీంతో అభ్యర్థుల్లో ఆందోళన నెలకొంది. అయితే జూన్‌లో కరోనా వైరస్ మహమ్మారి ప్రభావం తగ్గితే పరీక్షలు ఉండొచ్చు. లేదా జూలైలో ఎగ్జామ్స్ ఉంటాయి. (ప్రతీకాత్మక చిత్రం)

5. ఒకట్రెండు నెలల్లోనే పరీక్షలు నిర్వహించే అవకాశం ఉంది కాబట్టి అభ్యర్థులు ఈ పరీక్షలకు సిద్ధంగా ఉండాలి. అడ్మిట్ కార్డుల వివరాల కోసం ఎస్‌బీఐ అధికారిక వెబ్‌సైట్స్ https://bank.sbi/web/careers లేదా https://www.sbi.co.in/web/careers ఫాలో కావాలి. ఇదే వెబ్‌సైట్‌లో అడ్మిట్ కార్డులు డౌన్‌లోడ్ చేయొచ్చు. (ప్రతీకాత్మక చిత్రం)

6. ఇక ఎస్‌బీఐ అప్రెంటీస్ పోస్టులకు ఎగ్జామ్ ప్యాటర్న్, సిలబస్ చూస్తే రెండు పరీక్షలు నిర్వహించనుంది. ఇందులో మొదటిది రాత పరీక్ష. 100 మార్కుల ప్రశ్నాపత్రం ఉంటుంది. మొత్తం 100 మార్కులు ఉంటాయి. (ప్రతీకాత్మక చిత్రం)

7. జనరల్, ఫైనాన్షియల్ అవేర్‌నెస్ టాపిక్స్‌పై 25 ప్రశ్నలకు 25 మార్కులు, జనరల్ ఇంగ్లీష్‌పై 25 ప్రశ్నలకు 25 మార్కులు, క్వాంటిటీవ్ యాప్టిట్యూడ్ 25 ప్రశ్నలకు 25 మార్కులు, రీజనింగ్ ఎబిలిటీ, కంప్యూటర్ యాప్టిట్యూడ్ 25 ప్రశ్నలకు 25 మార్కులు ఉంటాయి. (ప్రతీకాత్మక చిత్రం)

8. ప్రతీ సెక్షన్‌కు 15 నిమిషాల చొప్పున పరీక్ష 60 నిమిషాలు ఉంటుంది. ప్రశ్నలు ఇంగ్లీష్, హిందీ భాషల్లో ఉంటాయి. నెగిటీవ్ మార్క్స్ ఉంటాయి. అంటే ప్రతీ తప్పు సమాధానానికి పావు మార్కును తగ్గిస్తారు. నాలుగు తప్పు సమాధానాలకు ఒక మార్కు తగ్గుతుంది. (ప్రతీకాత్మక చిత్రం)

9. ఎస్‌బీఐ అప్రెంటీస్ పోస్టులకు నిర్వహించే రాతపరీక్షలో క్వాలిఫై కావడానికి కనీస మార్కులు సాధించాల్సి ఉంటుంది. ఎస్సీ, ఎస్టీ, ఓబీసీ, దివ్యాంగులకు 5% సడలింపు ఉంటుంది. మినిమమ్ క్వాలిఫయింగ్ మార్క్స్‌ను బ్యాంకు నిర్ణయిస్తుంది. (ప్రతీకాత్మక చిత్రం)

10. రాష్ట్రాల వారీగా, కేటగిరీల వారీగా మెరిట్ లిస్ట్ రూపొందిస్తారు. మెరిట్ లిస్ట్‌లో ఎంపికైన అభ్యర్థులు లోకల్ లాంగ్వేజ్ టెస్ట్‌కు హాజరు కావాల్సి ఉంటుంది. స్థానిక భాషలో రాయడం, చదవడం, మాట్లాడటం, అర్థం చేసుకోవడం తప్పనిసరి. (ప్రతీకాత్మక చిత్రం)

11. ఇవే అంశాలపై లాంగ్వేజ్ టెస్ట్ ఉంటుంది. లాంగ్వేజ్ టెస్ట్ పాస్ అయితేనే అప్రెంటీస్ అవకాశం ఉంటుంది. తుది నియామకం ముందు మెడికల్ ఎగ్జామినేషన్ ఉంటుంది. (ప్రతీకాత్మక చిత్రం)