Vishaka HPCL Fire Accident: విశాఖలో హెచ్‌పీసీఎల్‌ అగ్నిప్రమాదం.. భారీగా ఎగసిపడుతున్న మంటలు

విశాఖలో మరో అగ్నిప్రమాదం చోటు చేసుకుంది. నగరంలోని హెచ్‌పీసీఎల్‌లో కొద్దిసేపటి క్రితం ప్రమాదం సంభవించింది.

దీంతో ఒక్కసారిగా పెద్ద ఎత్తున మంటలు చెలరేగాయి. ప్రమాదం కారణంగా భారీ ఎత్తున మంటలు ఎగసిపడుతున్నాయి.

ప్రమాదం కారణంగా హెచ్‌పీసీఎల్ పరిసరాల్లో దట్టమైన పొగలు వ్యాపించాయి. దీంతో స్థానికుల్లో భయాందోళనలు నెలకొన్నాయి. అయితే ఈ ప్రమాదానికి కారణం ఏంటనే దానిపై వివరాలు తెలియాల్సి ఉంది.

ప్రమాదం ఏ విభాగంలో జరిగిందనే అంశంపై అధికారులు నుంచి ఎలాంటి సమాచారం రాలేదు.

ప్రమాదం సంభవించడంతో.. అధికారులు అక్కడి పని చేస్తున్న వారిని వెంటనే బయటకు పంపించారు.

ఈ ఘటనలో ఎవరైనా గాయపడ్డారా అన్నది తెలియాల్సి ఉంది. మరోవైపు మంటలను అదుపులోకి తీసుకొచ్చేందుకు ఫైర్ ఇంజిన్లు ఘటనా స్థలానికి చేరుకుంటున్నాయి.

అయితే ప్రమాదం ఏ విభాగంలో జరిగిందనే విషయంపై క్లారిటీ వచ్చిన తరువాతే.. మంటలు ఎంతసేపటికి అదుపులోకి వస్తాయనే విషయం తెలిసే అవకాశం ఉందని తెలుస్తోంది.

మరోవైపు ప్రమాదం జరిగిన సమయంలో లోపల ఉన్న ఆరుగురు అక్కడే చిక్కుకుపోయినట్టు తెలుస్తోంది.